ക്ഷേത്ര നിർമ്മാണം (നാലാം ഭാഗം)

ക്ഷേത്ര നിർമ്മാണം മൂന്നാം ഭാഗത്തിൻ്റെ തുടർച്ച

എന്താണ് ക്ഷേത്രം

ഈശ്വര ശക്തിയെ തളം കെട്ടി നിർത്തി അത് ഭക്തൻമാരിലേക്ക് പ്രവഹിപ്പിക്കുന്നതിനുള്ള ഒരു താന്ത്രിക സംവിധാനമാണ് ക്ഷേത്രം.            ക്ഷതാൽത്രായതേഇതിക്ഷേത എന്നു പറഞ്ഞാൽ ക്ഷതം എന്നാൽ മുറിവ്, വേദന, ക്ഷീണം, ഹാനി എന്നെല്ലാം ഈ വാക്കിന് അർത്ഥമുണ്ട്.മേൽ പറഞ്ഞ കാര്യങ്ങളിൽ നിന്നെല്ലാം നമ്മെ ത്രാണനം ചെയ്യിപ്പിക്കുന്ന (മോചിപ്പിക്കുന്ന) ഋഷി പ്രോക്ത സംവിധാനമാണ് ക്ഷേത്രം

ബഹുബോവിധാനവിധി

ശിലാവിഗ്രഹത്തിൻ്റെ തുടർഭാഗം, കരിങ്ങാലിക്കാതൽ കൊണ്ട് അസ്ഥികൂടം കെട്ടിയുണ്ടാക്കി, ചകിരി നാര് കൊണ്ട് നാഡി ഞരമ്പുകളുണ്ടാക്കി കെട്ടിവയ്ക്കും.അതിൻ്റെ മുകളിൽ പ്രത്യേക തരം അഷ്ടബന്ധനം. തിരുവട്ടപ്പശ നാല് ഭാഗം, കുന്തിരിക്കം മൂന്നു ഭാഗം ,ഗുൽഗുലു അഞ്ച് ഭാഗം  ചെമ്പല്യം എട്ട് ഭാഗം ,കാവിക്കല്ല് മൂന്നു ഭാഗം ഇവ പൊടിച്ച് നെയ്യും തേനും ചേർത്ത് ചൂടാക്കി എടുക്കുന്നു,ഇതാണ് ബഹുബോവിധാനവിധി.

തന്ത്രസമുച്ചയം

ഒരു ഭാഗം കാവി മണ്ണ്, മൂന്നു ഭാഗം ത്രിഫലത്തോട്,പത്ത് ഭാഗം കോഴിപ്പരൽപ്പൊടി, ഇതിനു സമം ചെമ്പല്യപ്പൊടി ഇവ കലർത്തി എണ്ണയിൽ ചൂടാക്കിയെടുക്കാം.ഇത് ഉടഞ്ഞ വിഗ്രഹങ്ങൾ ഒട്ടിക്കാനും വിഗ്രഹത്തിൻ്റെ അടർന്നു പോയ ഭാഗങ്ങൾ ഉണ്ടാക്കാനും അഷ്ടബന്ധത്തിന് പകരമായും മറ്റും ഉപയോഗിക്കാം.ഇതിൽ സാളഗ്രമങ്ങൾ ചേർത്ത്  വിഗ്രഹമാക്കുകയും ചെയ്യാവുന്നതാണ്.

ദാരുവിഗ്രഹങ്ങൾ

മരം കൊണ്ട് പണിയിക്കുന്ന വിഗ്രഹങ്ങൾ ആണ് ദാരുവിഗ്രഹങ്ങൾ. ഇത് ചാന്താടി ബലമുണ്ടാക്കുന്നു.മരം കൊണ്ടുണ്ടാക്കുന്ന ഈ വിഗ്രഹത്തിൽ അഭിഷേകാദികൾ പാടില്ല.

പഞ്ചലോഹം

വിഗ്രഹ നിർമ്മാണത്തിന് ഉപയോഗിക്കുന്ന അഞ്ചു ലോഹങ്ങളുടെ കൂട്ടാണ് പഞ്ചലോഹം. ഇതിൽ നാലു ഭാഗം വെള്ളി,ഒരു ഭാഗം സ്വർണ്ണം, എട്ട് ഭാഗം ചെമ്പ്, എട്ട് ഭാഗം പിച്ചള, അല്പം ഇരുമ്പും കൂടി ചേർത്ത് യോജിപ്പിക്കുന്ന ലോഹങ്ങളുടെ കൂട്ടാണ് പഞ്ചലോഹം.

ലേഖനം

ചായമുപയോഗിച്ച് വരച്ചെടുത്തവ

മണൽ വിഗ്രഹങ്ങൾ

മണലിൽ അഷ്ടബന്ധം പോലുള്ള പശ ചേർത്തുണ്ടാക്കിയത്.

രത്നക്കൽ വിഗ്രഹം

നീലാജ്ഞനം തുടങ്ങിയ രത്നക്കൽ കൊണ്ടുണ്ടാക്കിയത്.

സങ്കല്പ ബിംബം

മനസ്സിൽ ഏതെങ്കിലും ദേവനെ സങ്കല്പിച്ചാരാധിക്കാം.

പ്രതിഷ്ഠ നടത്താൻ ഉത്തമമായ ദിവസങ്ങൾ

ഉത്തരായത്തിലെ വെളുത്ത പക്ഷമാണ് പ്രതിഷ്ഠക്ക് നല്ലത്.മകം, ചതയം, ഒഴികെയുള്ള ഊൺ നാളുകൾ പ്രതിഷ്ഠക്ക് നല്ലതാണ്. പ്രതിഷ്ഠ രാശിയുടെ അഞ്ച്, എട്ട്, ഒൻപത്, പന്ത്രണ്ട് ഈ ഭാവങ്ങളിൽ പാപന്മാർ ഇല്ലാതിരിക്കണം.

പ്രതിഷ്ഠാകർമ്മം എങ്ങനെ?

വിഗ്രഹത്തിനടിയിലെ കൂർത്തനാളം, പീഠത്തിൻ്റെ കുഴിയിൽ തന്ത്രിമന്ത്രോച്ചരണ സഹിതം ശുഭ മുഹൂർത്തത്തിൽ ഇറക്കി വയ്ക്കുന്നതാണ് പ്രതിഷ്ഠ.ഇത് പ്രകൃതി പുരുഷസംയോഗ പ്രതീകവുമാണ്.

പ്രതിഷ്ഠക്ക് മുൻപ് ചെയ്യേണ്ടത്

പ്രതിഷ്ഠയ്ക്ക് മുമ്പ് പ്രസാദശുദ്ധി ജലാധിവാസം, അനവധി പൂജകൾ, ഹോമങ്ങൾ, ബിംബശുദ്ധി, ശയ്യാ പൂജ, ജലോദ്ധാരം, ധ്യാനാധിവാസം, ജിവാവാഹനം തുടങ്ങിയ ഒട്ടനവധി ക്രിയകളും നപുംസകശിലാ പ്രതിഷ്ഠയും കഴിഞ്ഞാണ് പീഠപ്രതിഷ്ഠ.

പിശാചപദം

ഗർഭ ഗൃഹത്തെ 7x7= 49 കള്ളികളായി, തിരിച്ചാൽ മദ്ധ്യത്തിലേത് ബ്രഹ്മപദം, ഇതിനു ചുറ്റും മാനുഷപദം, അതിനു ചുറ്റും പിശാചപദം.  ബ്രഹ്മപദത്തെ  തെക്കുവടക്കു രേഖകൾ കൊണ്ട്  പതിനഞ്ച് ഭാഗം ,അതിൻ്റെ പിന്നിലെ ദേവപദത്തെ പതിമൂന്ന് ഭാഗം ,അതിനു പിന്നിലെ മാനുഷ പദത്തെ പതിനൊന്ന് ഭാഗം ,പുറത്തെ പിശാച പദത്തെ  ഒൻപത് ഭാഗങ്ങളായി തിരിക്കുക.   

മഹാ ശിവലിംഗം

മഹാശിവലിംഗം ബ്രഹ്മപദത്തിൻ്റെ നടുവിലെ അംശത്തിലും അല്പലിംഗം ബ്രഹ്മപദത്തിൻ്റെ രണ്ടാമത്തേതിലും  വിഷ്ണുവിനെ മുന്നാമത്തേതിലും സുബ്രഹ്മണ്യൻ, ശങ്കരനാരായണൻ, ഇവരെ നാലാമത്തേതിലും ദുർഗ്ഗയേ ആറാമത്തേതിലും, അയ്യപ്പനെ പതിനാറാമത്തെ അംശത്തിലും ഗണപതിയെ ഇരുപതാമാത്തേതിലും പ്രതിഷ്ഠിക്കാം.ബ്രഹ്മ പദത്തിന് നടുവിൽ മുതൽ പിന്നിലേയ്ക്ക് നാല്പത്തി ഒന്ന് കള്ളികൾ ഉണ്ട്.

കൊടിമരം

കൊടിമരത്തിലെ വെണ്ടകൾ എന്ന തടിപ്പുകൾ നട്ടെല്ലിലെ കശേരുക്കളെ ഓർമ്മിപ്പിക്കുന്നു.നട്ടെല്ലിൽ ഇത് ഒറ്റ സംഖ്യയാണ്.കൊടിമരത്തിലും ഇത് ഒറ്റ സംഖ്യയായിരിക്കണമെന്നാണ് നിബന്ധന. അകത്തെ മരം കൊണ്ടോ കോൺക്രീറ്റ് കൊണ്ടോ ഉള്ള ഭാഗം സൂക്ഷ്മനാഢീ,കൊടി മുതൽ കീഴോട്ടുള്ള ഭാഗങ്ങൾ ഇഡപിംഗളനാഡികളുമാണ്. കൊടികുണ്ഡലിനീ ശക്തിയെയും കൊടിമരത്തിലെ വാഹനം പ്രാണനെയും പ്രതിനിധീകരിക്കുന്നു.

താല്ക്കാലിക കൊടിമരം

താൽക്കാലിക ധ്വജങ്ങളിൽ ആലില, മാവില കൂട്ടിക്കെട്ടി കൊടി മരത്തിൽ ആധാര ചക്രങ്ങളുണ്ടാക്കുന്നു. കൊടിമരത്തിൽ മണ്ഡിപ്പലക അവസാന ആധാരചക്രമാണ്.ഗർഭ ഗൃഹ മദ്ധ്യത്തിൽ അഞ്ചോ ആറോ ഏഴോ, ഉത്തര ദണ്ഡ് ചെന്നേടത്താണ് ധ്യജം സ്ഥാപിക്കുക.ഉയരം ഏഴ്, ഒൻപത്, പത്ത്, പതിനൊന്ന്, പന്ത്രണ്ട്, പതിമൂന്ന്, ദ്വാരനീളമോ താഴികക്കുടത്തോളമോ യോനി ഒപ്പിച്ചോ ആകാം.

ഗർഭ ഗൃഹത്തിൻ്റെ നാലിൽ ഒന്ന്, അഞ്ചിൽ ഒന്ന്, ആറിൽ ഒന്ന്,കണ്ണ വണ്ണവും അല്പം കുറഞ്ഞ തലവണ്ണവുമായി ദ്വാര ദണ്ഡകലത്തിൽ സ്ഥാപിക്കണം.ഉയരം ദ്വാരനീളത്തിൻ്റെ പത്ത്,പതിനഞ്ച്,പതിനേഴ്, ഇരുപത് എന്നിങ്ങനെ ഇരട്ടി വരെയാകാം.

തറ വേദി, സ്തംഭം, മണ്ഡിപ്പലക, വീരകാണ്ഡം, വാഹനം, യഷ്ടി എന്നീ അവയവങ്ങളും ഉണ്ട്ണ്ട്

 

ശിവന് കാള

കൊടിമരത്തിൽ ശിവന് കാളയും വിഷ്ണുവിന് ഗരുഢനും ശങ്കരനാരായണന് കാളപ്പുറത്ത് നില്ക്കുന്ന ഗരുഢനും ഗണപതിക്ക് മഹാ മൂഷികനും അയ്യപ്പന് കുതിരയും സുബ്രഹ്മണ്യന് മയിലും കോഴിയും ഭഗവതിക്ക് സിംഹവും കൊടിമരത്തിലെ വാഹനങ്ങളാണ്.കൊടി തൂക്കാനുള്ള യഷ്ടി വടക്കോട്ട് സ്ഥാപിക്കണം. തറയ്ക്ക് താഴോട്ടുള്ള നാളം ഒരു ദ്വാര നീളമെങ്കിലും ഉണ്ടാക്കണം.ഇത് അടിയിലെ ആധാരശിലയിൽ ഉറച്ചിരിക്കും.വേദിക്കു മുകളിലുള്ള ഊർദ്ധമുഖ കമലദളങ്ങളിൽ ഇന്ദ്രാദി അഷ്ടദിക്പാലകരുമുണ്ട്.